عدنان أبو الشامات ينتقد متابع أساء للفن والفنانين.. “هلأ رح يدخلوا يلي بيشبهوه يدافعوا عنه”.
عدنان أبو الشامات ينتقد متابع أساء للفن والفنانين.. “هلأ رح يدخلوا يلي بيشبهوه يدافعوا عنه”.
أوطان بوست – فريق التحرير
من خلال منشور عدنان أبو الشامات ينتقد متابع بسبب تعليق كتبه عبر فيه عن وجهة نظره بالفن والفنانين بطريقة غير جيدة وبعيدة عن اللباقة.
وتبعا لما رصده موقع أوطان بوست فإن أبو الشامات شارك صورة لذلك التعليق عبر صفحته الشخصية في موقع فيس بوك.
والذي جاء فيه :”بعدين أنا عم أحكي عنجد مواضيع الشأن العام يا أخي أنتو الفنانين شو فهمكون فيها”.
المتابع يصف الفنانين بالتافهين
وأضاف المتابع الذي كان اسمه مرهف مرواني :”كل شغلتكون يعطوكون ورقة تحكوا اللي فيها قدام الكاميرا ومعظم اللي فيها قلة أدب.
وتابع :”وقلة حيا مع شوية حركات ساقطة من الفنانات فهل هالشي بيخليكون نخبة ثقافية، لتحكوا وتقيموا وتتناول مواضيع اجتماعية أكيد لأ”.
وأردف :”بس كلنا منعرف أنه النخبة الثقافية الحقيقية بهالبلد مهمشة والإمعات والتافهين هنن اللي عم يتصدروا الشاشات والبرامج”.
وأكمل :”مو بس عنا بكل الوطن العربي الوضع هيك”، وكتب مروان تعليق ٱخر قال فيه :”أنتو شغلتكون كفنانين تضحكونا تسلونا”.
وأضاف :”تهرجولنا شوي لمن بيكون دايق خلقنا، أما مواضيع المجتمع وأفكاروا فو الله مو خرجكون بنوب تحكوا فيها وتناقشوا وتحللوا وتعطوا ٱراء بتخص الشأن العام”.
عدنان أبو الشامات ينتقد متابع
وأرفق الممثل السوري تلك الصورة بمنشور قال من خلاله :”لما بشوف هيك عينات من البشر، بسأل حالي، شو نوع التربية يلي تلقاها هيك شخص؟”.
وأضاف :”كيف ممكن يكون تقييمه لأي مهنة تانية، ما دام رأيه بالفن والفنانين والفنانات بهي التفاهة والتعميم؟”.
وأردف :”شو دارس هاد الولد وشو أستفاد من دراسته؟ وهل قرأ كتاب واحد في حياته واشتغل على شخصيته وثقافته؟”.
وتابع :”طبعاً أنا مع حرية الرأي والتعبير، وهي حق مقدس عندي لكل الناس، بس أنا عم إحكي عن المستوى التربوي والفكري والثقافي لأمثال هيك شخص”.
وأكمل :”وهو ليس فرداً بل واحداً من تيار يشبهه، يلي بيحسسني إني عايش في عصر ما قبل الحضارة والأخلاق”.
واختتم حديثه بقوله :”والقيم الإنسانية والحد الأدنى من اللباقة والفهم، طبعاً هلأ رح يدخلوا يلي بيشبهوه يدافعوا عنه”.
في ختام تقريرنا ننوه إلى أن عدنان أبو الشامات ممثل سوري ظهر في العديد من المسلسلات السورية مجسدا شخصيات مميزة.
نذكر منها: سيرة الحب، سيرة ٱل الجلالي، الجزء الأول والثاني من زمن البرغوث، جوقة عزيزة، باب الحارة، الدبور، البقعة السوداء.
