زياد برجي يرد على نادين نسيب نجيم بعد تغريدة أزعجته ويعلق: “النجومية مسؤولية ومواقف”!
أوطان بوست – فريق التحرير
وقع بين الفنان اللبناني زياد برجي ومواطنته الممثلة نادين نسيب نجيم سوء تفاهم، الذي أشعل بشكل غير مباشر خلاف بينهما.
وبحسب مارصده موقع أوطان بوست فإن الحكاية بدأت عند نجيم، التي كتبت تغريدة تتعلق بأغنية (أنا وبس/ وبطير).
وقالت: أنتوا مع فريق إليسا ولا زياد برجي، بصوت مين حبتوها أكتر؟ بس ما فيك تسأل هيك لأنوا في بيع وشراء”.
وتابعت: “يعني في حقوق وملكية يعني كإنوا بعتك بيتي وجيت سكنت معك، ما في طرف بالموضوع في منطق وحقوق وواجبات”.
وأردفت: “صراحة يمكن يكون في حلقة مفقودة نحنا ما بنعرفها، كرمال هيك لازم ما نحكم ولا ناخد طرف أصحاب العلاقة لازم يحلوها”.
وأضافت: “هني بيعرفوا مين الغلطان فيهم، وبحبهم الاثنين كتير وصوتهم رائع والله يصلحها، بيناتهم”.
“لأنه التعاون أثمر عن أغنية كتير حلوة، ونجاح كبير للفريقين لازم يستثمروا هل الشي اكتر مش يدمروها”.
زياد برجي يرد على نادين نسيب نجيم
وبدا أن برجي لم يعجبه كلام نجيم، ولكن خلال استضافته في برنامج “المجهول”، علق على الأمر.
وذلك بعد أن قرأ مقدم البرنامج رودولف هلال التغريدة فرد زياد بشرح مفصل، نذكر لكم البعض منه: “ألطم، نادين ممثلة لبنانية بحترمها جدا”.
وأضاف: “ولا مرة حكيت عنها إلا بكل خير، والتقيت فيها مرة ببيت المنتج صادق الصباح كان لقاء جميل جدا”.“.
وذكر: “أول شي طالعة تحكي بالأغاني، كم غنية عملتي؟ أنا قلتلك كم مسلسل وفيلم عملت، وما سمحت لحالي أطلع اتفلسف”.
وتابع: “وأنظّر وأحكي عن شي ليس من اختصاصي، شو بعرّفها بعالم الأغاني؟ هي مطّلعة ولكن مش متخصصة”.
وبعدها قال: “بحب أنصحها نصيحة لأنوا هي كمان فاتت لعندي وحكمت علي قررت إنوا أنا محقوق”.
“النجومية مسؤولية ومواقف”
ثم توجه بالحديث إليها بشكل مباشر: “شو بتعملي قدام الجمهور اللي بحبك وبصدقك؟، بحب انصحها نصيحة أخ”.
” النجومية مسؤولية ومواقف، تُحسب إلك وعليك، والجمهور بحبك على العمياني، ومع الوقت كل ما اثبتلوا انوا حبّك على ضو كل ما افتخر بهذا الحب”.
وتعجبت نادين من تصريحاته، فأعادت نشر تغريدتها السابقة، كتبت: “هيدا التعليق شو في شي غلط؟ بتأسف انه أنفهم بغير نية”.
“مع انه رأي حيادي وفي محبة للطرفين والله يصلحها بيناتن بالنهاية. ورغم يلي قاله صراحة بعدني بحبه وبحب أغانيه”.
