تولين البكري توجه رسالة مؤثرة إلى جورج وسوف وزوجته بعد وفاة ابنهما وديع!
أوطان بوست – فريق التحرير
وجهت الممثلة السورية تولين البكري رسالة إلى سلطان الطرب “جورج وسوف” وزوجته بعد وفاة ابنهما البكر عقب إجراء عملية تكميم معدة.
وبحسب ما رصده موقع أوطان بوست فإن البكري كتبت منشوراً عبر صفحتها الشخصية في موقع فيس بوك، قالت من خلاله:
“رسالة لأبو وديع السلطان جورج وسوف ولأم وديع سلطانة الصبر، وياريت اللي بيعرفون عن قرب يوصل هالكلمتين”.
وأضافت: “لأنو للأسف ماعاد عندي حل لوصل عزائي إلا من خلال السوشيال ميديا بما أنو معظم الناس اللي لجأت ألهم لياخدوني معهم عالكفرون لقوم بواجب العزاء خذلوني”.
وتابعت: “مو مهم، كل واحد بيعمل بأصله، الدنيا محسوبيات ومظاهر و..و…الخ، الأهم هو هالأب وهالإنسان اللي قبل ما يكون فنان جورج وسوف(مع حفظ أسمى الألقاب له)”.
تولين البكري توجه رسالة مؤثرة إلى جورج وسوف
وأردفت: “بدي قله مصابك كبير كتير ومصابنا كلنا وصعب شو ما حكينا، وعزينا نلاقي بقاموس كلمات اللغة مفردات تبرد قلبك الكبير”.
وأكملت: “وصعب كتير على أم وديع تتقبل هالفاجعة لفترة طويلة من الوقت، وأنا أم بزمانها راح طفلها صغير”
وذكرت: “وجنيت لبلشت استوعب حقيقة الفقد، فكيف إذا كان شب! حاسة كتير بوجعكم وبكل لحظة وأنا قاعدة لحالي عم بتخيل شو حاسين هلأ”.
وأردف: “وعم يعصر قلبي من الوجع أقسم بالله، ولكن بعرف كمان أدي إيمانكم كبير بالله وبقضائه، ودايما بقول شي وعن تجربة أنو الوقت”.
وتابعت: “أعظم دوا بالإضافة للإيمان، الوقت بس هو كفيل بترميم هالجرح، وأد ما كان في حواليكم ناس عم تحكي وتصبر وتعزي”.
“صحتك بتهمنا يا أبو وديع”
وأضافت: “وأد ما خدتو مهدئات طبية أو معنوية من العالم، أعظم دوا بالفترة الجاية هو الصبر والإيمان والوقت”.
“كفيل أنو يخفف(شوي) من مصابكم، لا تحرقوا قلب وديع بدموعكم لانو هو هلأ بمكان أحلا بكتير من هون”.
وقالت: “ودموعكم ووجعكم وأنينكم رح يزعلوه كتير، ادعوله، ونحنا عم ندعيلكم من قلوبنا، الله يبرد حرقة قلبكم ويصبركم على مصابكم”.
وأردفت: “ويمرق الايام الجاية على خير، لأنو صحتك بتهمنا يا أبو الوديع، خليك قوي ومؤمن متل مامنعرفك”.
واختتمت: “ودموعك أنت وأم وديع نار عم تكوي قلوبنا، ربنا يكون معكم وكلنا ولادكم”.
