ياسمين غيث تكشف معاناتها مع المرض وتطلب من جمهورها الدعاء!
أوطان بوست ـ فريق التحرير
كشفت الفنانة ومصممة الأزياء المصرية، ياسمين غيث، تفاصيلاً عن معاناتها من المرض، إذ خضعت لعملية جراحية في مشفى.
وبحسب ما رصده موقع أوطان بوست فإن الأطباء استأصلوا ورماً من جسد غيث، فشاركت مجموعة صور لها داخل المستشفى.
ياسمين غيث تكشف معاناتها مع المرض
وكتبت الفنانة في منشور عبر حسابها الرسمي في موقع إنستغرام: “عارفة إنكم قلقانين عليا ومش عايزة أتأخر عليكم أكتر من كدة رغم تعبي لسه”.
وأضافت: “مبدئياً ده شكلي معظم الـ 5 شهور اللي فاتوا، من شهر11 حتى الآن، الحمدلله عملت العملية يوم ٦/٢”.
وتابعت: “(عملية open chest لإزالة ورم حجمه ٨ سم+)، الحمد لله ألف حمد وشكر طلع حميد”.
وأردفت: “وطلع إنه كتلة من الغدة الدرقية وده بيحتاج إني أعمل فحوصات و checkup على الغدة كل 3 شهور”.
وأكملت: “ده طبعا غير الـ general check up اللي بعمله كل 6 شهور.. الحمد لله على كل حاجة”.
وأضافت: “عاملة إيه؟ تعبانة.. حاسة بإيه؟ ألم لا يحتمل في عضمي، في ضلوعي، في أعصابي بس كدة؟.
“لأ.. العملية مكانها صعب والفتح في عضم الصدر ألمه مش طبيعي، بس أي إنسان عادي بيحس بالألم ده بطريقة معينة”.
لهذا السبب نشرت صورها من المشفى
وذكرت الممثلة ياسمين: “لكن أنا إيه اللي بيحصل معايا؟ أنا من 7 سنين عملت عملية الـ breast cancer “.
وأكملت: “اللي شالوا فيها من صدري اليمين جزء من العضلة، معظم الغدد (lymph nodes) اللي تحت الذراع”.
وأردفت: “و ده أثر من وقتها على ذراعي اليمين و فضل كذا شهر بيوجعني و بعد كدة كمّل معايا التنميل والوجع بس محتمل”.
وتابعت: “أنا مش بحب أحط صور كدة بس حبيت أعرفكم المرة دي أنا في إيه وبعدي بإيه وشكلي عامل إزاي حاليا”.
وقالت: “والجرح شكله إيه علشان ماتتخضوش لما تشوفوني لأن أنا من كتر وجع الجرح كمان و الirritation اللي فيه مش بستحمل هدوم عليه فحتى في عز البرد بكون مش حاطة أي هدوم عليه علشان مش بستحمل، فمتخافوش من شكله”.
ثم طلبت في نهاية منشورها الدعاء من الجمهور لها فعلقت: “ادعولي أرجع زي الأول، أنا بقالي 5 شهور عملت فيهم 4 عمليات”.
“بين المستشفيات والعناية المركزة والدكاترة والفحوصات وأوجاع لا تحتمل والله”.
“ادعولي على الأقل أرجع أعيش من غير ألم تاني، أنا الحمد لله بتحسن بالعلاج الطبيعي بس ببطأ شوية.”
