ناجي درويش يشيد بـ شكران مرتجى والأخيرة تعلق: “كلامك يعني لي الكثير”!
ناجي درويش يشيد بـ شكران مرتجى والأخيرة تعلق: “كلامك يعني لي الكثير”!
أوطان بوست – فريق التحرير
أعربت النجمة السورية شكران مرتجى عن سعادتها بالكلمات الجميلة التي كتبها ناجي درويش عنها، مؤكدة أن ذلك يعني الكثير.
وبحسب ما رصده موقع أوطان بوست فإن مرتجى نشرت منشورا كتبت فيه ما قال درويش:
“وأنا كمان بدي أحكي عن شكران مرتجى، مو بس لأنو الكل عم يحكي عنها لاء، ما هيّة أساساً ومن زمان لازم الكل يحكي عنها”.
ناجي درويش يشيد بـ شكران مرتجى
وأضاف: “شكران واللي أنا بخاطبها ب “الشكران المرتجى”، وبعد معرفة معها عمرها 10 سنين دون لقاء”.
وتابع: “بقدر قول عنها إنسانة قادرة تشتغل 24 ساعة بدون ما حدا يحس إنها تعبانة، قادرة تتابع أدق احتياجات ناس جار عليهم الزمن”.
وأردف: “وتلبيها أو تسعى لحتى حدا يلبيها، قادرة تطبطب على جرح أي حدا حزين بتعرفو، باللحظة اللي لازم تطبطب”.
أكمل: “وفيّة للدرجة اللي الستوري تبعها روزنامة لذكرى العشرات من الكبار اللي رحلو من سنين، وكل سنة ما بتنسى تذكرهم بيوم رحيلهم”.
وذكر: “قادرة تعشق الشام متل ما بتعشق القدس، وقادرة تبرّد جرح حزنها على والدتها بألاف الابتسامات اللي عم تهديها للناس”.
وتابع ناجي بإشادة شكران، ليصفها بالسيدة اللي يليق فيها الأسود، لأنها السيدة اللي تحوله لشيء ناصع مثل قلبها، حسب تعبيره.
واختتم كلامه قائلا: “أنا ما بقدر شوف شكران فقط ممثلة أو مقدمة برامج أو نجمة”.
“أنا ما بقدر شوفها غير “إنسان” بزمن صار الإنسان قطع نادر جداً، باختصار: شكران وقت شفتوها بدور الأم ما كانت عم تمثل”.
لترد شكران مرتجى معلقة: “وأنا كمان بدي أشكرك ياغالي ناجي درويش بيعنيلي كلامك لأنه عني شخصياً مو عن شغلي, بيعنيلي كتير نشرته لقلك شكراً من القلب لقلبك”.
في ختام تقريرنا ننوه إلى أن شكران مرتجى تقدم حاليا شخصية خولة في مسلسل زقاق الجن.
الذي هو من تأليف محمد العاص، وإخراج تامر إسحاق.
ويضم العمل نخبة النجوم في سوريا: شادي زيدان، وائل زيدان، أيمن زيدان، أمل عرفة، صفاء سلطان، رامي أحمر، أيمن بهنسي.
ويتحدث العمل عن حارة يحصل فيها خطف للأطفال بطريقة مجهولة، وتتجه أصابع الاتهام إلى ناجي كونه مجهول النسب.
كما يظن البعض أنه مخاوي الجان، إلا أن لطيف الذي يتظاهر بالجنون هو القاتل الحقيقي.
