دنيا سمير غانم توجه رسالة شكر إلى طاقم “حتة تانية” وتضع ابنتها في المقدمة!
أوطان بوست – فريق التحرير
أعربت الفنانة المصرية دنيا سمير غانم عن سعادتها بالمشاركة في مسلسل حتة تانية، فوجها رسالة شكر طويلة إلى كل طاقم العمل.
وكتبت غانم من خلال منشور رصده موقع أوطان بوست: ” شكراً لروح قلبي وحياتي نجمتي الصغننة اللي نورتني و أبهرتني أنا شخصياً ما شاء الله”.
وتابعت: “شكراًً للمخرج العمل إسلام خيري اللي تعب جدًا في العمل ده، شكراًً لكل طاقم العمل، ولكل فرد شارك في النجاح الكبير ده الحمد لله”.
وأضافت “شكراًً على حبكم وخوفكم عليا اللي أنا كنت حاساه في كل لحظة وأنا بشتغل”.
دنيا سمير غانم توجه رسالة شكر إلى طاقم “حتة تانية”
وقالت الممثلة المصرية ضمن رسالتها: “شكراً ًللجمهور العظيم اللي بعد كل عمل بيثبتلي إن ليا أهل”.
وأضافت: “وبيخليني أعمل أقصي ما عندي عشان أكون عند حسن ظنكم شكراًً لجوزي وحبيبي رامي رضوان اللي دايما بيدعمني وبيفرح لنجاحي”.
وتابعت: “وأخيرًا بقى شكرًا لروح قلبي وحياتي نجمتي الصغننة اللي نورتني وأبهرتني أنا شخصياً ما شاء الله ربنا يحفظك يا قلبي”.
وأردفت: “ويكتبلك الخير والسعادة أنتِ وكل أطفالنا ويارب مستقبلكم يكون منور وحظكم أحسن مننا يا رب كل سنة وأنتم طيبين”.
وأكملت: “مشروع كبير تعبنا فيه جدا عشان نقدر نعمل حاجة تسعدكم جت سليمة، شكراً للمنتج محمد أحمد السبكي الشاطر”.
“جدا اللي مش بيسيب ولا تفصيلة غير لما يكون مطمن أنها متنفذة على أكمل وجه شكراً على مجهودك”.
“أحمد السبكي المنتج الكبير الأب”
وقالت دنيا: “شكراً المنتج الكبير الأب أحمد السبكي اللي بيحب الفن، ونفسه دايما يقدم أعمال تعجب الناس”.
وأضافت: “شكراً لكريم وخالد السبكي ربنا يخليكوا لبعض، شكراً محمد سلام اللي فعلا بستمتع وأنا بمثل معاه”.
وأردفت: “وأعتقد بيبان عليا كل مرة بنشتغل مع بعض، شكراً أستاذ خالد الصاوي الجامد أكتر ممثل عنده ضمير”.
“وتفانى في العمل غير طبيعي أنا فعلا بتفرج عليك وبتعلم وبسرح في أدائك العبقري اللي فيه الجد ممزوج بالهزار”.
وأكملت: “شكراً أستاذ سامي مغاوري الفنان القدير السهل الممتنع اللي وجوده بيضيف إضافة غير طبيعية”.
“شكراً أستاذة هالة فاخر الراقية، قدمت شخصية بإبهار شديد وبتميز، كل مشهد ليكي بيحسسني بسعادة”.
“شكراً محمد ثروت، أنت عملت الشخصية بطريقة جديدة وبخفة دم فظيعة كالعادة”.