تولين البكري توجه رسالة إلى زملائها في الوسط الفني بعد وفاة محمد قنوع: “لن نأخذ شيئاً معنا إلى القبر”!
أوطان بوست – فريق التحرير
يبدو أن الممثلة تولين البكري تأثرت كثيراً بوفاة مواطنها الممثل محمد قنوع، وأيقظت تلك الحادثة في داخلها أشياء كثيرة.
وكتبت البكري في منشور رصده موقع أوطان بوست: “شو أعمل لحتى وقف تفكيري للحظات بتفاصيل بتخص المرحوم محمد قنوع؟”.
وتابعت: “عم بكتب مرحوم وأنا نفسي لسا ماعم صدق، شو أعمل بتعب مخي بتفاصيل بتتعب قلبي”.
وأردفت: “متل أنو إذا أنا هلأ ماعم بيروح من بالي ولا ثانية، كيف بتكون عيلتو هلأ! اللي الون معو ذكريات ما بتنتهي”.
وأكملت: “وريحتو بعدا بالبيت وبغرفة نومه وخزانة أواعيه؟ شو أعمل باحساسي! يمكن منكم رح يقولو عني شو هالمجنونة هي، وشو عم تخبص ٱخر الليل”.
وأضافت: “بس مع هيك ما بقدر غير هالخصلة فيي كلشي بحسو بدي قولو أو بختنق، شو أعمل لصالح كل شخص زعلان مني بالوسط الفني أو براته؟”.
تولين البكري توجه رسالة إلى زملائها في الوسط
وقالت الممثلة تولين ضمن رسالتها: “شو أعمل لفهم بعض النجوم أنو يحاولو بقيانين عالأرض”.
“لأنو أخرتنا تحت الأرض مهما نشهرنا ومهما جمعنا مصاري ومهما عليت مراتبنا؟ عبالي كتير من الناس يصيرو أطيب وأحسن مع بعض”.
وتابعت: “شو أعمل لأقدر فهمون هالشي؟ شو أعمل مثلا لحتى كتير زملاء يحاولو تصير نفسياتون بتشبه نفسية منى واصف (مع حفظ الألقاب طبعا)”.
وأكملت: “بالتواضع والسلام الداخلي والتصالح اللي عايشة فيه مع كل شهرتها وعظمتها؟ عبالي هلأ عانق كل نجمات الوسط ونجومهم”.
وأردفت: “وقلن تعو نتحد تعو نسامح ونحب بعض، أد ماكبرنا بالنجومية، عبالي أتصور معون كلون صورة جماعية وخبيا بقلبي للذكرى”.
“شو أعمل؟ شو أعمل لنرجع للإنسان اللي جواتنا شوي أكتر من الأنا اللي بتعمي صاحبها، شو أعمل! مافيي أعمل ولا شي”.
“لن نأخذ شيئاً معنا إلى القبر”
وقالت البكري في ختام رسالتها: “يمكن تقولو عم خبص، ويمكن ماتفهموني بس أنا ماعاد بدي نستنى بكل مرة ليموت حدا فينا”.
“لنقول عنو باللقاءات أديش كان طيب ومنيح وخلوق وكنا نحبو، تعوا نقولا بوش بعض، والله ما منخسر شي”.
وتابعت: “بالعكس هيك إذا رحنا منروح مرتاحين أول شي، لأنو عبرنا عن مشاعر نبيلة وتأتي شي مناخد معنا أعمالنا”.
وأردفت: “ما رح ناخد معنا ولا فرنك صمدناه ولا تياب شتريناها ولا شهرة كبر راسنا فيها لالالا ابداااا”.
“رح ننزل بهالجورة بأعمالنا وبسسسس.. شو اعمل ليصير اللي بحلم فيه؟”.