رنا الحريري توجه رسالة إلى الجمهور بعد انتشار أنباء انفصالها عن باسم ياخور: “موضوع زواجي أو انفصالي ما رح يغير شي بحياة حدا منكم”!

رنا الحريري توجه رسالة إلى الجمهور بعد انتشار أنباء انفصالها عن باسم ياخور: “موضوع زواجي أو انفصالي ما رح يغير شي بحياة حدا منكم”!

أوطان بوست – فريق التحرير

خرجت الكاتبة السورية رنا حريري عن صمتها بعد تداول أنباء عن طلاقها من مواطنها النجم باسم ياخور، وانتشار تلك الأخبار في منصات التواصل.

وبحسب ما رصده موقع أوطان بوست فإن الحريري كتبت عبر خاصية الستوري في موقع إنستغرام:

“لأني بعرف أنه حياتي الخاصة صارت فجأة محور اهتمام، أسمحولي حول اهتمامكم للمكان الأصح والأفضل”.

واضافت: “لقضايا أهم بكتير مني ومن حياتي ومن أي إنسان، لقضايا لازم كلكم تحكوا فيها لأنها فعلا بحاجة لأصواتكم واهتمامكم”.

وتابعت: “عن كل المرضى والأشخاص يلي بيعانوا من مشاكل صحية، ومو قادرين يدفعوا تكاليف علاجهم وبحاجة لمساعدة مالية”.

وأردفت: “شو الحل بالنسبة ألهم، كل العاطلين عن العمل، وأصحاب الدخل المحدود، يلي عم يحاولوا يلاقوا فرصة عمل بدون نتيجة”.

رنا الحريري توجه رسالة إلى الجمهور

وذكرت زوجة الممثل باسم الأطفال المشردين في منشورها، مؤكدة على ضرورة الاهتمام بهم، وعلقت:

“وحتى البالغين، يلي ماعندهم مأوى أو أمل بحياة طبيعية مثل باقي البشر، كيف وإيمتا رح يتم إنقاذهم؟ ضحايا سنين الحرب الطويلة والزلزال”.

وتابعت: “وكل الناس يلي خسروا بيوتهم أو تعرضوا لإصابات، أو كانوا متضررين بأي شكل من الأشكال، مين عم يساعدهم أو يهتم فيهم”.

وأضافت: “عن ارتفاع الأسعار بشكل لا يتناسب مع دخل الناس، عن كبار السن والمتقاعدين وأوضاعهم، عن الأيتام شو بيصير فيهم لما يخسروا معليهم”.

“كلنا صرنا نستخدم السوشيال ميديا”

وقالت الحريري في رسالتها: “يمكن كلنا صرنا نستخدم السوشيال ميديا أحيانا كمتنفس، وأنا بفهم أنه متابعة حياة الٱخرين فيها ترفيه”.

وأضافت: “بس بدي أعتذر لأني ما رح أرضي فضولكم، حياتي الخاصة ملكي، وأنا بكل مودة بشارككم بالجزء يلي يشوفه مناسب”.

وتابعت: “وكمان بعرف أنه جزء كبير منكم عم يبعت ويكتب عن محبة واهتمام صادق، وأنا فعلا ممتنة لاهتمامكم ولكل رسالة”.

وأردفت: “وكل كلمة حلوة ولكل نصيحة، وبقدر طمنكم عني، موضوع زواجي أو انفصالي ما رح يغير شي بحياة حدا منكم”.

وأكملت: “بس أنتو قادرين تعملوا تغيير بحياة كتير ناس بحاجتكم، أنا بخير وحياتي رح تستمر بكل الأحوال، بس في كتير ناس غيري مو بخير وأحوج مني لدعمكم”.

ويذكر أنه في الأيام الأخيرة انتشرت أنباء حول انفصال رنا عن باسم، وذلك نظرا لوجود بعض المشاكل بين الثنائي، إلا أن كل منهما لم ينفي أو يثبت الخبر.