عدنان أبو الشامات يشك بإصابته بمرض الزهايمر.. ويعلق بالقول :حدا عنده فكرة كيف ممكن يصير هيك شي؟
عدنان أبو الشامات يشك بإصابته بمرض الزهايمر.. ويعلق بالقول :حدا عنده فكرة كيف ممكن يصير هيك شي؟
أوطان بوست – فريق التحرير
ذكر الفنان السوري عدنان أبو الشامات في منشور أنه يشك بإصابته مرض الزهايمر بشكل مبكر، وعلق على ذلك بطريقة ساخرة.
وتبعا لما رصده موقع أوطان بوست فإن أبو الشامات عبر عن تعجبه من صفحة تواصل أعطته إشارة أنه من أبرز المعجبين بها.
في حين أن الأخير لم يدخلها سابقا ولا يعرف مضمونها، مؤكدا أنه يحترم ذلك الشخص، ومعبرا بسخرية عن خوفه من الزهايمر.
خوف عدنان أبو الشامات في منشور
كتب عبر حسابه الشخصي في موقع فيس بوك :”تفاجأت أنو الفيسبوك عّم يخبرني إني صرت واحد من أكثر المعجبين بصفحة قدور الأرتيستو”.
وأضاف :”ومنحني شهادة مصدقة، وعم يسألني إذا بحب أنشر هالشي، مع احترامي الشديد للصفحة وصاحبها”.
وتابع :”أنا ما بظن إني تابعته من قبل، ولا بتذكر إني أحد المعجبين فيه. وصار عندي وسواس ما كون عّم عاني من الزهايمر”.
وأردف :”بس الفيسبوك أخد قراره وبلغني بهالشي! حدا عنده فكرة كيف ممكن يصير هيك شي؟ وكيف ممكن يصير الواحد معجب بصفحة بحياته ما شافها؟”.
ردود الأفعال على منشور عدنان
تفاعل المتابعون مع منشور أبو الشامات، وكل شخص برر الأمر بوجهة نظر، وتوالت العديد من التعليقات، فكتب متابع:
“بتكون مثلًا صفحة أنت متابعها ((أقوال وحكم)) أو (أخبار)، بس تكبر هالصفحة ويصير عليها معجبين كثير، بتنباع وبتغيّر اسمها ومحتواها”.
وذكر ٱخر: “شارات أبرز المعجبين بيطلعها الفيس بناء على خوارزمية معينة حسب وصول الصفحه بيعطي الناس الشارات”.
وأضاف :”يمكن حضرتك حاضر شي فيديو لهي الصفحة وحاطت لايك لحتى اختارك ضمن أبرز المعجبين”.
وعلق متابع :”بتكون صفحة قديمة حضرتك معجب فيها بكونا كان محتواها بيجذبك و تغير اسما لقدور الارتيستو”.
من هو عدنان أبو الشامات؟
عدنان أبو الشامات، ممثل من مواليد الخامس والعشرين من تموز/يوليو عام 1965، في العاصمة دمشق.
نشط في مجال الفن بسن صغيرة، حيث أن أول ظهور له كان بعمر ست سنوات من خلال فيلم جسر الأشرار وفيلم مقلب حب.
وقدم عدة أعمال فنية ومنها المسلسلات التالية: سيرة الحب، ما ملكت أيمانكم، أبو خليل القباني، الموسم الأول والثاني من زمن البرغوث.
